• ২৮শে নভেম্বর, ২০২২ খ্রিস্টাব্দ , ১৩ই অগ্রহায়ণ, ১৪২৯ বঙ্গাব্দ , ৪ঠা জমাদিউল আউয়াল, ১৪৪৪ হিজরি

সৈয়দ দুলাল এর বিলাতি কৌতুক:দাদি নাতি

bilatbanglanews.com
প্রকাশিত সেপ্টেম্বর ১২, ২০২০
সৈয়দ দুলাল এর বিলাতি কৌতুক:দাদি নাতি

পশ্চিম পাড়ার দাদিকে দেখতে গেলেন পূর্ব পাড়ার লন্ডনী নাতি,দাদি ও নাতির কথা বার্তা |

নাতী, সালাম বিবি ভালানি
দাদি ; ভালারে ভাই কোনদিন আইলে ?
নাতি ; গতকাইল আইছি
দাদি ; থাকবে কত দিন,
নাতি ;আছি চাইর হাপ্তাহ
দাদি ; বউ লইয়া না একলা আইছোত
নাতি ; একলা আইছি বিবি
দাদি ; কয়দিন বাদে বাদে একলা একলা বাড়ি আও, ঘটনা কিতা ? মনে করো কোনতা বুঝিনানি !
নাতি ; হে:হে; কিতা বুঝলায় বিবি ?
দাদি ;এমনে মাথার চুল পাকঁছে নারে ভাই,বয়সে বুড়ি অইছি |
নাতি ; হেঃ হেঃ ,বুঝছো যখন কেউরে কইও না,সিক্রেট রাইখো |ঘটনা কেউ জানে না,আমি আর মাস্টোর আর তুমি |
দাদি ;তে দেখি ফটো উঠো দেখাও,
ইতা এক দুই খান বেটাইন্তনর লাগি ফানি ভাত,তোর দাদা আমরার এইন তিন খান করছিলা |আমি কোন বাঁধা দিছিনা |রাখতে পারলে হাত খান করো !হিঃ হিঃ |
রাখতা পারছইন না |
নাতি ; ওউ নেও দেখো (মোবাইল বাড়িয়ে দিলো দাদির হাতে)
দাদি ; কাম তো বাজাইছোছ,যে সুন্দর কন্যা ,বাড়ী কই?কিলা কিতা |
নাতি ;বাড়ী ঢাকা
দাদি;গাঁউ তৈয়া ঢাকাত গেলায়গিনি,
এর লাগি ওতো ঢাকা বায়দি দৌড়াদৌড়ি ,
নাতি ; কেউরে কইও না কিন্তু,গোপন রাইখো বিবি,না অইলে বিপদে পড়মু|
দাদি ; বেটাইনতর বিপদ খাইকে খাইকে|
কইতাম নায় |ই দাদির পেটো দুনিয়ার কতো বিতি কিচ্ছা আছে,জানলে দেশও আগুন লাগি যাইবো |

আধঘন্টা পর নাতির বউর লন্ডন থাকি ফোন তুমি কুয়াই এখন ?
নাতি ; আমি বাড়িত ,কিতা অইছে তোমারা ভালানি সকল ?
নাতির বউ ;আর ভালা থাকমু কিলা,
তোমার ঘন ঘন বাড়ি যাওয়া দেইখাই আমার মনো অইছে লটর পটর কোনতা আছে !এখন তো দেখলাম হাছা ওউ |
আমারে এর আগে আরো কত জনে কইছে,ওতো ঘন ঘন বাড়ি যাওয়ার কোনো কারণ আছে |
নাতি ; কিতা অইছে আগে কও,
লেসকার বাদে দিবায়নে |
নাতির বউ;তুমি পশ্চিম পাড়ার বিবিরে কিতা দেখাইছো ?আর কিতা কইছো ?
নাতি;হেঃ হেঃ আমি কোনতা দেখাইছি
না,কোনতা কইছি না তো !তানরে দেইখ্যা আইছি |
নাতির বউ ;সারা গাউ জানে,সারা লন্ডন জানে !পশ্চিম পাড়ার বিবির গেছে কার ছবি দেখাইছো ?তুমি ইকান কৱবায় আমি বুচ্ছিলাম না |
(নাতি হাসে তাঁর বউ কাঁদে )
তুমি হাসো কিতা,হুরুতাইনতর গলা ওলা কাটিলাইলায় |
নাতি ;আধা ঘন্টায় দুনিয়ায় জানি লাইলোনি |
আমার কথা হুনো আমি ঢঙ করছি বিবির লগে,আর যে ছবি দেখাইছি ইটা অইলো নাইকা শাবনুরর ছবি |আর কোনতা নায়,তবে বিবি একটা মুল্যবান কথা কইছন,রাখতে পারলে হাত খান করলেও কোন অসুবিধা নায় |কথাখান আমার জবর ভালা লাগছে |
নাতির বউ;
ইতা ঢঙ আর কইরো না,
ঢঙরও সীমা থাকা দরকার |
নাতি ;আমি ও দেখলাম ঢঙে রঙ কতোখান বাড়ে |আধা ঘন্টায় ওউ অবস্থা |তবে বিবির হজম শক্তি আছে |

এই গল্পের মোরাল ;
আমার বন্ধু সৈয়দ হুসবান স্যার বলবেন |
কারণ ঘটনার সাক্ষী তিনি নিজেই |

লেখক:বিশিষ্ট কবি, গীতিকার ও সুরকার।